CEO ដើមកំណើតឥណ្ឌា ឡើងទៅគ្រប់គ្រងក្រុមហ៊ុនធំៗតាំងពីអាមេរិកដល់អង់គ្លេស

ទាំងអស់នេះសុទ្ធតែជាក្រុមហ៊ុនធំៗដែលមានCEOមានដើមកំណើតនៅប្រទេសឥណ្ឌា

Sundar Pichai, CEO នៃក្រុមហ៊ុន Google (អាមេរិក)

ក្រុមហ៊ុនលំដាប់កំពូលៗជាច្រើន មានការផ្លាស់ប្តូរថ្នាក់គ្រប់គ្រង។ គេឃើញសព្វថ្ងៃ CEO ដើមកំណើតឥណ្ឌា បានឡើងហក់ទៅកាន់កាប់តួនាទីអ្នកគ្រប់គ្រងក្រុមហ៊ុនបច្ចេកវិទ្យាធំៗតួយ៉ាងលោក Sundar Pichai, CEO នៃក្រុមហ៊ុន Google (របស់អាមេរិក) និងលោក Satya Nadella, CEO ក្រុមហ៊ុន Microsoft (របស់អាមេរិក)។

Sanjay Kumar Jha, CEO នៃក្រុមហ៊ុន Globalfoundries (អាមេរិក)

លោក Som Mittal អតីតប្រធានក្រុមហ៊ុន Nasscom ដែលមានដើមកំណើតក្នុងប្រទេសឥណ្ឌាបានថ្លែងប្រាប់ "គ្រប់ពេលជនជាតិឥណ្ឌាទៅរស់នៅក្នុងសង្គមថ្មីណាមួយ ពួកគេតែងតែខំសិក្សាស្វែងយល់យ៉ាងស៊ីជម្រៅពីជំនាញពេញនិយមរបស់សង្គមមួយនោះ ក្នុងឃ្លានេះចង់មានន័យថា ពួកគាត់ចេះបត់បែនតាមកាលៈទេសៈសង្គម"។

Dinesh Paliwal, CEO នៃក្រុមហ៊ុន Harman International (អាមេរិក)

លោក Pichai (CEO ក្រុមហ៊ុន Google), លោក Nadella (CEO ក្រុមហ៊ុន Microsoft), អ្នកស្រី Nooyi (CEO ក្រុមហ៊ុន Pepsico) សុទ្ធសឹងតែជា CEO លំដាប់ក្រុមហ៊ុនកំពូលអាមេរិក ដែលកាលដើមឡើយ ពួកគាត់សុទ្ធសឹងតែប្រឈមនឹងបញ្ហាសេដ្ឋកិច្ចគ្រួសារ ប៉ុន្តែចុងក្រោយបានសម្រេចជោគជ័យក្នុងឆាកជីវិតរហូតមកដល់បច្ចុប្បន្ន។

George Kurien, CEO នៃក្រុមហ៊ុន NetApp (អាមេរិក)

ហេតុផលដែល CEO ដែលមានដើមកំណើតឥណ្ឌាទទួលជោគជ័យខ្លាំងបែបនេះ អ្នកវិភាគមួយរូបបានថ្លែងថា ដោយសារតែមុខវិជ្ជាដែលពួកគេសិក្សារៀននៅក្នុងសាលាលំដាប់នៃប្រទេសឥណ្ឌា សុទ្ធសឹងតែប្រើប្រាស់ភាសាអង់គ្លេសសុទ្ធសាធ ក្នុងគោលបំណងធានាទាំងជំនាញវិទ្យាសាស្ត្រនិងវិស្វករ ក្រោយបញ្ចប់ការសិក្សាគឺអាចក្លាយជាអ្នកជំនាញបានតែម្ដង"។