តើជឿទេបើ នាយ ចឺម បានកាដូរថយន្តទំនើបស៊េរីកប់មួយគ្រឿងព្រលប់នេះពីប៉ាធម៌ម្ចាស់ផលិតកម្ម BKS
ព័ត៌មានដ៏គួរឲ្យភ្ញាក់ផ្អើលមួយទើបចេញប៉ុន្មាននាទីមុននេះគឺថា នាយ ចឺម ដែលមានរថយន្ត Hummer ជាកម្មសិទ្ធិហើយនោះ ពេលនេះត្រូវបានម្ចាស់ផលិតកម្ម BKS ជូនកាដូជារថយន្តស៊េរីទំនើបមួយគ្រឿងឲ្យនាយថែមទៀត។
នាយ ក្រូច ដែលជាមាបង្កើតរបស់តារាកំប្លែងរូបនេះ បានបញ្ចេញឲ្យដឹងលើហ្វេសប៊ុក។ នាយក្រូច សរសេរសារខ្លីថា "ជឿទេថាម្ចាស់ផលិតកម្ម BKS ធ្វើកាដូថ្មីជូននាយ ចឺម បើមិនជឿអោយលុយមក ហិហិហិ សប្បាយជួសក្មួយ សំណាងមែនក្មួយពូ”។
ភ្ជាប់ជាមួយរូបថតរថយន្តទំនើប គេក៏ឃើញនាយ ចឺម កំពុងអុជធូបសំពះក្បាលឡានផងដែរ៕
ជុំវិញបញ្ហានេះ នាយ ក្រូច បានឆ្លើយប្រាប់ Sabay តាមទូរសព្ទមុននេះថា នេះគឺជាការពិត ដែលខ្លួនជាមាក៏មិននឹកស្មានដល់ដែរ។ "ពិត...ពិតមែនតើ បើមិនពិតផុសធ្វើអី...ឥឡូវបងប្អូនទាំងអស់គ្នាកំពុងជប់លៀងសើចសប្បាយដល់ហើយនៀក"។
រថយន្តកាដូ ដែលនាយ ចឺម ទទួលបានក្ដៅៗនេះ គឺម៉ាក Toyota Tundra ស៊េរី ០០៧។ លោក ឈុន សុវណ្ណភក្ដី ដែលជាកូនម្ចាស់ផលិតកម្ម BKS បានឲ្យដឹងថា រថយន្តនេះ គឺប៉ារបស់លោកជាអ្នកផ្ដល់ជាកាដូឲ្យនាយ ចឺម ទុកជាការលើកទឹកចិត្តដែលលោក និងតារាកំប្លែងរូបនេះ ស្រឡាញ់រាប់អានគ្នាស្មោះ។ ដូច្នេះ ផ្សំនឹងរថយន្តរបស់នាយ ចឺម ឧស្សាហ៍ខូច អត់មានអីជិះទៅធ្វើការផង ក៏សម្រេចជូនកូនធម៌(នាយ ចឺម) ជាកាដូតែម្ដងទៅ៕
ប្រភព : Sabay.com.kh
No comments